Kɛ' 'ɛ 'sbɛ
Ɛɛ' -tee 'na
Kɛ' 'ɛ 'sbɛ -nɛ, ɛmɛ -ɛɛ to dɩ -ɩa nʋʋa 'de -tan 'tan -ɛ -sɔn nyʋ ke Kea a ‑gbʋan' "i 'di, -wɛe -ɛɛ posʋn Kea 'tmʋa a Moisɩ 'de kʋʋɔnkwla' 'wlʋ sbɛ 'di (40) 'tmʋɛ ka 'sraa -saʋn 'jea nɩ ɛ, ɛ ke ka ʋʋ 'jea dbo nʋ sʋn nʋ 'de -gbɛɛna'. -Wɛe ɛɛ 'tmʋ ka 'sraa dɩ 'jea nɩ-, 'de ka nyʋ 'jɩ to sʋn nʋ -ke ɛ. Kɛ' ke 'srɩn -crɩɩa 'de ɛ 'di 'a nʋa' 'bɛɛ ɛ 'jeɛ nʋ nyɔ 'je 'kmʋ nɩ- (18.5) 'de ɔ 'je ikwɛ- ka ɔɔ' Kea -kwɛa i ɛ (21.6). Ɩa tɔɔ ʋʋpʋ ba 'a -tɩ' kmaa' -ke (19.18). Kɛ' ke 'srɩn Nyɔsoa "nyɩɩa Moisɩ ɛ, ɩmɩ 'ʋn ʋʋ ke Nyɔsoa a 'tmʋʋ.
Dɩ -crɩa' 'de 'sbɛ -nɛ 'di, dɩ ɩa tɔa nyʋ 'de nɔ" -nɛ 'di mɛ -nɩ: Kea 'a dbo nʋa' ke, nyɔ ke Nyɔsoa 'a "i "sia kɔn -tɩ'.
Nyɔ 'bɛɛ ɔ 'je 'sbɛ -nɛ 'ʋn -sea kpɛ -nyiiɛ':
'Sraa 'a kɛ' (1‑7)
'Sraa -saʋn 'a kɛ' (8‑10)
Dɛ -kwɛa i ke dɛ sea i -kwɛ ke (11‑16)
'Pepe nɩa' 'a 'sraa (17‑27)